【識港網訊】歌手蘇慧恩（Ophelia）推出新歌《一馬平川》，《一馬平川》這個成語出自詩人蘇軾，解釋指廣闊和一望無際的平原。Ophelia憑歌寄意，明白大部分人都希望人生可以無驚無險的順利渡過，無奈人生充滿沙石。Ophelia勉勵大家無論人生的路有多崎嶇不平，都要努力奮鬥，從失敗中學懂更多，才懂珍惜成功的一刻和珍惜現正擁有的幸福。

Ophelia表示演繹這首歌的時候，一直想著自己由小到大跌跌撞撞、高高低低的人生經歷，唱出了蕩氣迴腸的感覺。《一馬平川》的 MV在日本輕井澤取景，出發拍攝前，剛剛颱風海燕吹襲完東京。Ophelia提到：「第一晚落機颱風過咗，不過我哋收到電郵話酒店突然停業，我哋要即晚搵另一間酒店過一晚。我哋要臨時轉酒店，不過好彩行程冇大影響。」

另外，他們亦去了箱根河口湖仙石芒草原拍攝，Ophelia憶述：「因為我哋都唔熟路，兜兜轉轉咗好多路先到達。大家到達現場時都有啲失望，芒草被颱風吹散到少咗好多，拍攝時要取巧地就角度。另外當時仲有好多積水，所以有好多草蚊，我同拍攝團隊都被咬到好多紅印。Ophelia講到其實今次拍攝真的有血有汗，因為要攀山涉水，行到芒草原的時候，因為地面太滑，Opheli也不小心跌倒令腳部流血，其中一位攝影師也跌倒，要回香港睇鐵打。

原文鏈接：http://www.orangenews.hk/officelady/system/2019/11/07/010131026.shtml