【識港網訊】ViuTV全新劇集《REBOOT》故事講述意外獲得超能力的悍警周末（周國賢飾）、古惑仔刀boy（吳浩康飾）、虔誠神父來福（駱振偉飾）及純樸善良的汪汪（楊尚友飾）察覺到深水埗被邪教入侵，四人誓要將眾人拯救。

周國賢、吳浩康現身校園拍攝，周國賢感嘆：「而家啲學校幸福好多，因為有冷氣。細個讀書時，每逢夏天小息玩完都全身濕透，只靠課室一把吊扇，但嗰時已經覺得好幸福啦，但依家間間課室都有冷氣，就覺得更幸福。」

吳浩康則指自己小時候就讀村校，與市區學校分別很大：「我以前喺元朗就讀嘅學校，因為都係平房，所以我去到呢種大廈式校舍，冇咩親切感。其實，我第一次參加歌唱比賽係中學畢業後參加新秀。讀書時，其實我都有報名校內歌唱比賽，但每次都遇上有事返唔到學，而無法參加！細個時每年都只病一次，但由中一至中三年年都撞正影班相嗰日先病，搞到要同學等埋我再影過。」

周國賢亦自爆初戀：「讀書時我好純真，冇戀愛史，但有暗戀Miss。小學二年班時，我係比較文靜唔講嘢，但有次聖經堂舉辦小劇場，Miss竟然指派我做耶穌，我突然覺得佢有光環咁，我諗初戀就係咁第一次發生。不過畢業後都冇搵返Miss，而家我都唔記得佢個樣同名！」吳浩康笑言周國賢暗戀Miss大逆不道。

拍攝期間，吳浩康收到家人離世消息，但仍然專業地為拍攝趕工：「多謝劇組上上下下協助，喺呢個劇組都好開心，亦慶幸喺呢個劇組度過咁嘅日子。心情都係會影響狀態，但都需要去做好件事，我都要自己專注拍攝上。」

原文鏈接：http://www.orangenews.hk/officelady/system/2019/07/10/010121059.shtml