移動版
在這裏認識香港



有機會不能再做運動 余德丞痛哭
作者:Hin   來源:橙新聞    2019-06-12 10:06
藝人余德丞(Dickson)在節目《如果這樣生活》中重提去年8月踢足球後暈倒昏迷一事,透露醫生指他有機會不能再做運動,熱愛運動的他一度難過得忍不住痛哭。

【識港網訊】藝人余德丞(Dickson)有份參與拍攝的節目《如果這樣生活》於昨晚播出,Dickson在去年8月踢足球後暈倒昏迷,情況一度危殆,幸好最後大步檻過,平安無事,如今他在節目中重提休克一事,透露醫生指他有機會不能再做運動,熱愛運動的他一度難過得忍不住痛哭。

講到可能冇得再做運動,Dickson傷心到喊咗出嚟(影片截圖)

Dickson認為運動佔了他人生的一大部分,甚至是其整個人生:「發生呢件事之後,醫生同我講話我有機會以後都唔可能做運動,嗰刻我聽到之後,表現出嚟好似冇乜嘢,但其實我心裏面係非常非常之難受。」接着Dickson更一度講到淚流滿面:「因為由細到大,由小學開始我都已經好鍾意做運動,所以我……我仲想可以喺球場上面搏命,如果真係冇得踢嘅話,好似人生就冇乜意義咁。」

(影片截圖)
仲話如果真係冇得踢嘅話,好似人生就冇乜意義(影片截圖)

雖然運動對於Dickson來說非常重要,但他坦言如果餘下的時間只能選擇生命或運動,他亦需要選擇生命:「因為你要對自己同屋企人負責任,所以一定要接受呢件事。」

但係如果得返生命同運動,佢都要選擇生命,因為要對自己同屋企人負責任(影片截圖)

原文鏈接:http://www.orangenews.hk/officelady/system/2019/06/11/010118758.shtml

 

 

责任编辑:leidl

發表回覆

你的電郵地址並不會被公開。 必要欄位標記為 *