【識港網訊】賭王何鴻燊的四房孻仔何猷君同內地超模奚夢瑤嘅緋聞一直傳唔停，早前甚至傳出佢帶埋女方見媽咪梁安琪，因而被猜測係咪好事近。到咗噚日（13號）網上爆出猷君將向奚夢瑤求婚，猷君更喺社交網留言默認求婚一事：「幸好一回去就把小明（奚夢瑤）手機沒收了，不然一個多月準備的驚喜被你們全劇透。」

到咗夜晚8點幾，身穿公主衫、戴皇冠嘅奚夢瑤被蒙住雙眼，由好友陳學冬帶領進場，至於猷君就着上黑背心，邊彈結他邊唱出謝霆鋒嘅《活着VIVA》向奚夢瑤示愛。表演過後，猷君再換上白西裝，向女友單膝跪地求婚，大講愛的宣言：「還記得我在澳門問過你『小明，你覺得咱倆有可能在一起嗎？』，今天這個問題要變成『小明，你覺得咱倆可以永遠在一起嗎？』，奚夢瑤，Marry me？」奚夢瑤聞言即點頭，猷君興奮大叫：「She said YES！」

何猷君向奚夢瑤求婚嘅消息，喺網上成為熱話，而喺求婚過後二人分別喺社交網公布好消息，奚夢瑤晒出被求婚嘅相，並留言：「未來有你，請多關照。」至於猷君都有轉發未婚妻嘅微博，兼寫咗同一句留言，真係恭喜晒！

原文鏈接：http://www.orangenews.hk/officelady/system/2019/05/14/010116580.shtml