【識港網訊】新冠肺炎疫情下，不少人都留在家中抗疫，亦有部分人會趁放假行山，暫時除下口罩，呼吸新鮮空氣，落選港姐蔡嘉欣亦與家人行山做運動，她於社交網上載靚相，大晒弗爆身材，然而留言中一句「感謝疫情」卻惹起網民反感。

事緣蔡嘉欣在留言中寫到：「感謝疫情，喚醒了我們家沉睡多年的運動基因。咁多年黎（嚟）從未同屋企人行過山，不過為了響應政府的限聚令，我地（哋）5人家庭，每次只能4人出動，繼上星期佢地（哋）4個自私行，今日終於成功賣甩我家姐，不過我覺得作為呀妹…下次都係尊重敬畏家姐好，下次讓返個位俾你！」

網民認為利用「感謝」二字並不恰當，批評：「醫護做到搵命搏，作為公眾人物唔鼓勵人stayhome仲感謝疫情比你去行山，冇品定冇腦？」、「死咗咁多人，仲要感謝呢個疫情？就係因為喚醒你做運動？？Like唔係咁呃的吧」

面對網民的負評，蔡嘉欣解釋「感謝」二字沒有看輕疫情嚴重性意思：「只是想表達，在艱難的疫情下，我們還是可以找到值得感謝感恩的事，勉勵大家在逆境中依然能有好的心態，保持正能量，愛大家。」

原文鏈接：http://www.orangenews.hk/officelady/system/2020/04/21/010146810.shtml