【識港網訊】藝人呂慧儀早前被指拍攝《愛．回家之開心速遞》時發晦氣鬧爆娛樂新聞台女主播周佩婷，令對方急忙離開錄影廠，事後她否認事件並表示得啖笑當宣傳，然而今日（15號）有報道指有幕後人員踢爆她愛擺阿姐款，專恰「群姐」許思敏、「池美麗」鍾凱琪與「陳師奶」孫慧蓮等特約演員，同時更指她曾緋聞男友張景淳躲在化妝間VIP房內，經常不見人兩、三小時。

面對有關指控，張景淳今早在社交網發長文澄清，更展示手機相簿，證明與呂慧儀在化妝間VIP房內是拍攝洗手示範片段，他留言：「我覺得有必要講清楚，因為實情是工作反而被亂說係好委屈的。前幾天幫忙為蟹完成錄製網上廣告片。在根本沒有多餘時間剩的全廠full schedule工作天裡，蟹趁中午lunch break把握時間，借用了化妝間裡面；備有獨立洗手盤（和設有24hr監控鏡頭的）的vip化妝房間作拍攝用途，拍攝洗手示範片段。分開了兩天拍攝（第二次因要補拍追加內容）。兩次每次分別借用大概10分鐘左右，拍攝了合共20多30個take的家居洗手示範廣告片，務求拍出一條最好效果的成品交貨。（自己看圖） 」他更反問不負責的知情者眼睛是否有事，抑或生理時鐘或手錶有問題：「以為個（嗰）間係精神時光屋裡面十分鐘=外面三個鐘？好喜歡造謠？不如唔好咁啦。」

除此之外，張景淳還為呂慧儀護航，指整個團隊都知道她人前人後表裡如一，為人率直大情大性：「平時十分照顧團隊，對業餘特約表現顯得很迷茫的時候或持續達不到所需要求時，都會盡量幫助，提點和示範。無論係互相幫忙拍片，定演員間互相提點幫助大家做好啲，大家一直都係貫徹緊一個團隊/一家人嘅精神。盡力喺有限時間有效率完成工作。所以作品先至日日速遞到俾大家。」最後他還坦言今次事件有點不公平兼過分，叫「知情者」不要製造謠言，更直言：「#如果一個女人日日努力工作日拍夜拍 #接job賺錢養家湊仔 #lunch都唔食 #實在唔應該俾你位閒來無事嘅幕後知情者嚟老作講閒話」

原文鏈接：http://www.orangenews.hk/officelady/system/2020/04/15/010146125.shtml