【識港網訊】「兒歌天后」唐韋琪（Vikki）擔任蓋世寶和黃冠斌主持的《一曲走天涯》最新一集嘉賓，兩位兒童節目舊戰友難得聚頭，笑談當年之餘，Vikki更爆料《長腿叔叔》主題曲的和音部分，竟然是由一位知名band友獻聲，令在場人士笑言童年崩壞。

Vikki主唱的卡通片《長腿叔叔》主題曲《夢中天使》，是80、90，甚至00後的集體回憶：「當時我未出道，經理人許願叫我去寶麗金聽一隻歌，負責監製呢首歌嘅人係著名監製歐丁玉先生，嗰陣我只係個一無所知嘅小妹妹，（佢哋）叫我先睇吓呢個卡通片嘅錄影帶，第二天就畀咗呢首歌我。」

《夢中天使》為Vikki打開知名度，除了加入電視台兒童節目外，也奠定了兒歌天后的基礎，她不諱言完全沒有想過，更首度揭開歌曲背後的和音秘密：「（歌曲裏）小朋友嘅和音係一班好專業嘅歌手負責，就係太極嘅雷有輝，仲有周小君（周啟生胞姐）一齊和，一班大人扮小朋友唱出嚟。」Vikki還憶述當時眾人圍著麥克風、四目交投，一起唱著「藍色的天空」的場面，相當爆笑。

《夢中天使》推出迄今超過28年，Vikki笑言至今仍要日日唱，有時候小朋友還會指著她喊「長腿叔叔」，令她哭笑不得！離開電視台兒童節目主持工作後，Vikki發揮兒歌天后的號召力，全力投入小朋友教育事業，開設兒童才藝訓練學校，還不時舉辦演出，讓學生學以致用：「未離開已經教緊，因為時間多，而且有被邀請去幼稚園教，一路教一路吸收，教全方位才藝。未來會向夢想出發，希望唱好啲自己嘅歌，舉辦多啲同小朋友有關嘅事，或者同年青人有關嘅音樂會、舞台劇，我哋想將長腿叔叔呢個舞台劇再度重現，用音樂劇形式帶出。」

唐韋琪爆《長腿叔叔》主題曲和音秘密　竟然係由Band友扮細路？

原文鏈接：http://www.orangenews.hk/officelady/system/2020/03/05/010141938.shtml