【識港網訊】星期日晚（10號）播出的《港男入贅手冊》第六集，ERROR將會在越南來個Speed Dating，勢要迷暈越南妹。Speed Dating主辦人大讚193和保錡兩人外型獨特和可愛，有別於一般的越南男生，形容他們是「Fresh、Different、Handsome」。

在相睇過程中，193更利用還劍湖的傳說，大膽挑逗越南女生：「我哋可以一邊飲啤酒，一邊搵吓把劍喺邊到。如果我哋搵唔到嘅話，就返去我酒店搵」。

而一向口甜舌滑的保錡向心儀的女生聲稱自己的名字是「Your boyfriend」，令該位女生冧到暈。不過，後來保錡詢問另一位女生對自己的印象如何時，她直言不喜歡口花花的男生。保錡隨即表示自己只會說真心話，更即場唱《123我愛你》轉換氣氛，更學姜濤大派心心。可惜，該位女生不為所動。但食檸檬的保錡毫不在意，更當著她的面前對其他女生畀心心示愛。

之後，193和保錡在街頭向女生搭訕的時候，保錡專向容易成功的姨姨和婆婆落手。他開玩笑指：「正所謂萬事起頭難，做人要揀啲容易嘅，揀咁難嘅靚咪搞唔掂囉。」

除咗老人家之外，鬼馬的保錡亦喜歡撩小朋友，搞到193笑稱十分擔心FBI會「搵上門」。深受越南女仔歡迎的193笑指「我哋係呢到係吳亦凡嘅級數」，保錡亦囂張地表示：「追女仔就係咁簡單。嚟到呢到，我簡直係霸王呀。」

可是，保錡專攻姨姨的策略令到193十分不滿：「成日搵埋哂啲阿嬸，我點同你玩呀？我想搵靚女呀。」保錡反駁指每個人口味不同，決定要繼續專攻姨姨，令193十分無奈。

原文鏈接：http://www.orangenews.hk/officelady/system/2019/11/08/010131120.shtml