【識港網訊】藝人王敏德（Michael）為陳慧珊（Flora）主持的《放學後》擔任嘉賓，作為三子之父的Michael，剖白了在單親家庭成長的故事，以及如何在種族歧視、學習困難等逆境中，發揮自強不息的精神。

中、法、荷蘭混血兒的Michael在美國出生、紐約成長，原來自幼他在欠缺安全感的環境下長大：「我喺紐約州首府柯巴利長大，附近一個中國人都冇，香港人中國人會覺得我係西洋人；但美國當地嘅白人認為我係中國人，學校嘅人會幫我改種族歧視嘅花名。」直到他在14歲升高中時搬到加州一個小鎮，因為他和哥哥具運動天分，經常令學校隊伍獲勝，故很受歡迎：「如果我哋冇運動天賦，一定畀啲美國牛仔睇唔起。」

Michael堅強的個性與家庭背景甚有關係，皆因自小父母離異的他欠缺「父親」指導他成長，只能憑感覺與個性學習，後來他才發現，自己在學習上一直存在困難：「細個對讀書唔感興趣，從高中輟學，所以我喺學習上一直有困難，太急進同緊張，我記得朋友嘅媽咪同我媽咪講過『你個仔有問題，佢集中唔到，似乎有專注力問題』，其實佢都算講中咗，我諗係我成長嘅一個後遺症。」

故此這些年Michael透過鋼琴、高爾夫球和直升機，來鍛煉自己的耐心、恆心和決心：「我學揸直升機係有啲補償作用，因為我從高中輟學，冇上過大學，開直升機要學好多科，要學嘅人都係到美國、英國、澳洲學，喺當地考執照，我喺14個考試入面通過咗13個，有個項目（電子自動導航）我總係唔合格，每次重考都要再考商船同引擎與機身項目，我考咗好多次只係為咗全部通過。」Michael本以為自己會放棄，最後足足花了24個月終於成功，為商業機師執照花了3年時間：「拎商業機師執照算係補償我年輕嗰陣冇畢業，增加咗我嘅自我認同。」

家人從來是最強大的後盾，Michael因為工作，錯失與家人相處的時間，令他常常產生歉意：「我成日覺得陪囝囝嘅時間唔夠，看到佢就覺得自己冇出盡全力。」為此，他特地帶著兒子王躍穎（Kadin）到湖邊聊天，Kadin更向父親深情告白：「作為你個仔，我想藉呢次機會多謝你。」二人透過分享魔術小道具，展開了父子間的獨有語言，最簡單，也是最窩心。

原文鏈接：http://www.orangenews.hk/officelady/system/2019/11/01/010130528.shtml