【識港網訊】講起前DJ蘭茜（簡詠嫻），相信唔少人都會諗起佢嘅招牌哨牙同喺《獎門人》入面好似西瓜刨咁刨西瓜嘅絕技。雖然蘭茜已經淡出娛樂圈多年，但近日DJ Donald（唐劍康）喺社交網上載同蘭茜嘅合照，令蘭茜再次成為焦點，皆因唔少網民直指佢靚到唔認得！

合照上見到蘭茜搭住Donald膊頭露齒微笑，昔日嘅哨牙已經唔見咗，成個人靚晒之餘仲感覺斯文咗好多，Donald又Post埋當年舊照做對比添！唔少網民見到張相都憶起蘭茜以前主持嘅節目，更留言大讚佢靚咗好多，仲話好掛住佢：「蘭茜靚女咗呀」、「我好掛住蘭西夫人劇場呀」、「好靚女呀！我細細個都係聽蘭茜架（㗎）」

網民嘅重點除咗喺蘭茜到，昔日森美個薯仔樣都成為亮點之一，同而家嘅大隻型男真係差好遠，網民紛紛笑言：「森美好肥美」、「森美個樣不得了」

原文鏈接：http://www.orangenews.hk/officelady/system/2019/09/13/010126313.shtml