【識港網訊】藝人張繼聰作為出晒名的「晒女狂魔」，幾乎每隔幾日就會上傳一下囡囡張靖的照片或影片，日前他才PO了一段老婆謝安琪叫囡囡「好核突咁行」的影片「毀」囡囡形象，還指老婆不知有何居心後，昨晚張繼聰就上載一段囡囡食糖的影片，挽回囡囡可愛的形象。

影片中見到張繼聰開玩笑跟囡囡說想食糖，並叫她請自己食，不過張靖為了守護自己粒糖，連爸爸都冇情講，一時又話聽唔到，一時又話唔得，就連張繼聰話「爹哋咁錫你，請爹哋食得唔得」，也無法說服囡囡請他食糖。直到張繼聰說：「妹妹自己食啊。」張靖即用萌爆的BB話表示：「OK！」然後馬上將糖放入口，反應極快，引得張繼聰等人笑唔停。

不少網民都大讚張靖的反應相當可愛，還笑言：「粒糖係第一位，爸爸第二位。」、「為咗個爸，輸咗粒糖，值得咩？」

原文鏈接：http://www.orangenews.hk/officelady/system/2018/11/23/010104077.shtml