【識港網訊】近排潮流興用手機應用程式，將自己變返小朋友甚至變性，唔少藝人都紛紛緊貼潮流晒出自己「變身」後嘅樣，就連最近忙於為演唱會排練嘅天后鄭秀文（Sammi）都跟風玩埋一份扮小朋友，不過估唔到變返小朋友嘅Sammi竟然同鄭融撞晒樣！

Sammi喺社交網留言話自己似鄭融之餘，仲幫小朋友嘅自己改名做「鄭秀融」，同時佢亦幫後輩宣傳新歌，認真係個好前輩呀，佢留言：「無la la（啦啦）變咗鄭融。各位，這位未發育少女士叫『鄭秀融』#十三樓大笨象好好聽 #順帶一提一直以來勁中（鍾）意鄭融和鄭欣宜的一頭金髮好好看 #鄭秀融」

呢張BB相公開後，網民都覺得變臉後嘅Sammi真係似足鄭融，連唔少藝人好似汪詩詩、鄭欣宜、王君馨、林奕匡、鍾舒漫等都留言話正，不過亦有部分網民就認為Sammi似趙頌茹多啲。

原文鏈接：http://www.orangenews.hk/officelady/system/2019/05/21/010117135.shtml