【識港網訊】本地Rapper JB推出《點解咁X肥》同埋《潮共》兩首歌後即爆紅 ，更因此辭去正職，專心搞音樂。最近佢又推出咗新歌《西遊記》，仲獲網友大讚：「從歌詞表達出對廣東語文嘅深入理解。」

JB曾經喺訪問提過，雖然自己血統上係菲律賓人，但就好鍾意廣東話文化。今次新歌除咗一貫Hip Hop元素，包括雪茄、煙同性愛外，歌詞方面仲加埋唔少性暗示字眼，例如「神奇金剛棒　令你揀我不揀他」同「你嘅雙腿做我光圈 自己唸出緊箍咒」等，令人想入非非。

另外，諗起《西遊記》大家自然會諗起周星馳嘅作品，歌詞中亦有該電影嘅金句：「就算青霞定係紫霞 都係得一個朱茵 唔介意你嘅慾火係我 身上蔓延 如果需要期限 我會 加上一萬年」，唔知本身電影《西遊記》嘅粉絲又點睇呢首歌呢？

原文鏈接：http://www.orangenews.hk/officelady/system/2019/05/21/010117117.shtml