【識港網訊】

歌精舞勁的姜濤，最近又被發掘到一項才藝，原本他不只歌唱作品賣座，就連畫功都一樣見得人。日前著名海報插畫師阮大勇就在社交網站點名大讚姜濤描繪的Q版花姐有如神筆：「冇一筆似花姐，但夾埋一齊睇，比花姐更神似過花姐。」

昨日(23日），阮大勇在FB分享了一幅畫作，留言「偶爾從YouTube閃過一張漫畫式手繪，人物是當紅經理人 #花姐。仔細一看，竟然是出自姜濤，有此神筆，令我驚訝…」後來有媒體訪問身在台北的阮老師，他讚嘆姜濤明明不懂畫畫，卻有神來之筆：「冇一筆似花姐，但夾埋一齊睇，比花姐更神似過花姐，就係咁啦。呢個係好奇怪，畫畫唔一定要好識畫，有陣時係上天安排，原來畫出嚟，好似一個好成功畫家畫嘅。」

對於太太問到「姜濤幾筆已畫出花姐神髓，算唔算係天才呢？」阮老師認為畫家都好難畫出神來之筆，估計姜濤不懂畫畫，所以當他見到這幅「似到咁緊要」的驚豔之作，便急不及待要在FB分享。他甚至點評姜濤的畫功沒有需要改進的地方：「佢已經畫到咁絕啦，我畀佢100分。」

網民亦紛紛附和，「估唔到姜濤畫畫都一樣用作品說話」，「姜濤真係有藝術天份」，「估唔到姜濤畫得咁靚，不過佢觀察力一向好強」，「姜生係銅鑼灣畢加索」。

原文鏈接：https://m.orangenews.hk/details?recommendId=1135867