昨日真係一個雙喜臨門嘅好日子，咩回事呢？

一喜：贛深高鐵試運行，以前7、8個鐘四百幾公里的車程，宜家兩個鐘就可以到啦。大家都知贛南係革命老區，宜家通車就實現香港特別行政區、深圳經濟特區、贛南革命老區「三區連心」。歌仔都係咁唱喇：我和你心連心……

二喜：「非觸式e-道」開通，運用人臉識別技術，香港居民最快7秒過關。取代傳統嘅指紋認證，亦唔使出示身份證，衛生又快捷。

正所謂：條條大路通羅馬。京港高鐵贛深段係國家「八縱八橫」高鐵網圖中重要嘅一part，咁通車之後咧，將結束贛南地區冇直達廣東高鐵嘅歷史，亦解決河源唔通高鐵嘅問題，廣東全省實現「市市通高鐵」目標，同時串起粵贛嘅客家情緣。香港融入國家發展大局又近一步。

尼度有啲筍嘢益下香港嘅街坊。嗱，食過尼只未呢？同大家介紹下，江西特產“臍橙”。宜家正係食尼只嘅好時機。又甜又鮮又大粒，睇到都流晒口水。鐘意食生果嘅老友，睇住喔。

講到尼度咧，我有個新嘅諗法。你話以後香港嘅八達通係唔係都可以實現呢個「全國通」呢？咁就真係「四通八達」啦。喂，唔講住啊，夠鐘上高鐵啦，等住我派橙啊~bye

評論員：吳梓欣