TVB藝人麥美恩（Mayanne）入行以來主力在綜藝主持方面發展，直至近日在劇集《智能愛人》中飾演港女古家儀，演出入木三分，而她與泰臣飾演的機械人Rocky一段「人機戀」更賺人熱淚，讓觀眾重新認識她。她透露熒幕初吻，最想留給古天樂，至於未來目標，就是進軍幕後成為製作人。

在《智能愛人》劇中Mayanne飾演三十多歲人仍一事無成的港女，人生只得拍拖，遇上賤男亦委曲求全，更不惜貼錢讓對方追夢，Mayanne坦言現實中都有遇過賤男：「我好清醒嘅，一眼就睇穿個男仔，我人生唔係淨係得拍拖，亦唔會貼錢畀男仔，我覺得古家儀呢個女仔好荒謬，可能將十個女仔嘅缺點都擺晒佢身上，但可能呢個就係喜劇元素。」自認理智的Mayanne表示演繹角色時亦有心理關口，因要相信角色是真實及要產生共鳴。

之後她與Rocky的一段「人機戀」雖不真實，但二人之間的真摯感情卻令觀眾產生共鳴，Rocky為救她做人工呼吸，原來這亦是Mayanne的「熒幕初吻」，不過她就有此另一個解說：「『熒幕初吻』喺鬼妹的標準係要雙方Kiss，我係單方俾Rocky Kiss，嗰刻係冇過電感覺，純粹係佢救我，所以唔當係。」問到她將「熒幕初吻」獻給誰？Mayanne想也不想說：「要搵個靚仔啲，古天樂（古仔）啦，哈哈哈，我好鍾意古仔。」之前她曾有機會與古仔同場出席活動，但她未有趁機自薦合作，因相信有麝自然香。

劇中她與李佳芯（Ali）飾演的AI機械人阿寶有一段姊妹情，Mayanne最難忘是阿寶要死去離開古家一幕：「因為拍嗰時同Ali已相處三個月，同佢講bye bye 嗰刻，自己投放咗真感情，唔使等好耐就喊咗出嚟，原來冇咗個好姊妹就會自然喊，嗰刻好真實，自己抽離唔到。」喊戲對Mayanne來說可謂毫無難度，反而講英文就考起她，在溫哥華土生土長的Mayanne笑說：「我係『鬼妹』嚟，但我講英文唔可以字正腔圓，平時就留意身邊人點講嘢，聽完自己講都覺得好難聽呀。」

說到她在天台的一場自怨自艾的喊戲讓觀眾留下深刻印象，Mayanne承認當中有部分自己的心聲：「嗰句：『我又唔係阿佘』對白，係想講點解咁大個人都一事無成，其實都係反映好多做演員嘅人的心聲，好似我三十幾歲，一定會同人比較，但有啲嘢係講天資，唔係話你唔勤力，雖然我都係選美出身，但我唔係特別靚，身材特別好，唔係一出道就成被力捧對象，自己係好彩嗰個，用時間去證明好多嘢，慢慢有工作機會，自己睇自己的演出，覺得心路歷程好真實。」

入行十年，由主持轉型演員，2017年更曾奪得「飛躍進步女藝員獎」，她直言希望再有機會站上頒獎禮台，多謝曾在事業上幫過她的人，多年前她得獎時曾慨嘆來港多年仍未有歸屬感，如今事業有起色，Mayanne承認當時因不知自己定位，不知自己可做多久，而那個獎確實帶給她歸屬感，她希望可以在演藝事業上作出貢獻：「有時見到fans留言話見到我就想笑，原來觀眾見到我開心識笑，某程度上我喺娛樂圈已有貢獻。」談到目標，一直對幕後工作感興趣的Mayanne目標指向製作人，像吳君如及荷里活女星妮歌潔曼般成功。

原文鏈接：https://www.tkww.hk/a/202109/09/AP61397e61e4b0fc535355d4b6.html